📍 Lugar: Sala Bizarro do Club Naval de Pontevedra
📅 Data: 23 de marzo de 2024
Esta edición destacou pola súa diversidade e pola aposta pola transformación dende a base: cultura inclusiva, igualdade institucional, deporte profesional feminino e economía con compromiso social. Un ano que demostrou que as mulleres son motor en todos os ámbitos.
CARRUSEL DE IMAXES PREMIOS MULLERES FEMUPO DO ANO 2024
Estudo Bonobo – Pontevedra
Escola de artes que combina formación multidisciplinar con proxectos sociais de inclusión. Desenvolven accións contra a violencia de xénero, apoian a mocidade creativa e promoven a igualdade desde as artes. Un exemplo de cultura con impacto.
Club Ciclista Farto – Pontevedra
Primeiro equipo ciclista profesional feminino de Galicia, competindo a nivel europeo. Comprometido coa formación e coa igualdade, conta con escolas de base e iniciativas para visibilizar o ciclismo feminino.
CIM de Marín (Centro de Información á Muller)
Servizo municipal con longa traxectoria en atención integral a mulleres, vítimas de violencia e familias. Destaca polo seu Punto de Intercambio Familiar (PIF) e pola súa actividade formativa e de sensibilización social.
Forestalis – Cerdedo-Cotobade
Empresa forestal que integra a igualdade de xénero como valor central. Apostan pola inserción de mulleres no sector forestal e por romper os roles de xénero nos oficios do rural. Exemplo de empresa con alma e futuro.
