PREMIOS MULLERES FEMUPO

Recoñecendo a forza que sostén o mundo

Os Premios Mulleres Femupo nacen no ano 2022 para visibilizar, recoñecer e agradecer o traballo incansable de tantas mulleres e entidades que, dende distintos eidos, impulsan a igualdade real na provincia de Pontevedra. Cada edición é unha homenaxe viva a mulleres que crean, lideran, coidan, transforman, loitan e acompañan. Son mulleres que marcan camiño dende a cultura, o deporte, a administración, a empresa ou o movemento asociativo, tendo un impacto máis alá dos seus ámbitos cara o conxunto da sociedade.

Estes galardóns teñen un carácter social, comunitario e inspirador. Non son só un recoñecemento individual, senón tamén unha ferramenta para tecer rede, dar exemplo e activar referentes femininos en todos os espazos da vida. A súa entrega convértese nun encontro de sororidade, emoción e futuro compartido.

Porque sen mulleres, non hai avance. Sen referentes, non hai transformación. Sen recoñecemento, non hai memoria. E que as protagonistas sexan rapazas e mulleres próximas, a nivel xeográfico pero tamén no modo de vida, axuda a que eses ideais sexan máis accesibles e adaptables ás nosas contornas principalmente rurais e coas súas características específicas, aumentando así o impacto.

Premios Mulleres 2022

Todo comezou un 12 de marzo de 2022 no Real Club Náutico de Sanxenxo, premiando as categorías de cultura (Andrea González), deporte ("As Abellonas"), administración (CIM Sanxenxo) e empresa (Ardora Formación e Servizos) como inicio dunha marabillosa tradición.

Premios Mulleres 2023

O camiño continúa o 18 de marzo do seguinte ano no Auditorio de Torroso co Concello de Mos e novas referentes no ámbito da cultura (Cantareiras Madialeva), deporte (Clube de Waterpolo Feminino), administración (CIM Mos) e empresa (Diana Lameiro).

Premios Mulleres 2024

A Sala Bizarro, Clube Naval de Pontevedra acolleu o 23 de marzo do 2024 unha nova gala tan necesaria como emocionante coas mulleres como protagonistas da cultura (Estudo Bonobo), deporte (Clube Farto), administración (CIM Marín) e empresa (Forestalis).

Premios Mulleres 2025

O 5 de abril de 2025 engadimos no Pazo de Colón de Poio unha categoría esencial para as mulleres, asociacionismo (Mar e Agro, Bueu), e seguimos a premiar cultura (Paula Castro), deporte (Clube Artai), administración (Unidade VioXén da Policía) e empresa (Piratas de Nabia).

Premios Mulleres 2026

Nesta última edición, celebrada o 11 de abril deste 2026 na Finca Batacos de Salcedo, obtiveron recoñecemento As Colareiras do Grove (cultura), as Veteranas do Vila de Cangas (deporte), o CIM da Lama (administración), Fresas Touceda (empresa) e Albor Mulleres Rurais de Valga (asociacionismo).

Federación pola Igualdade das Mulleres da Provincia de Pontevedra
federacionmullerespontevedra@gmail.comPontevedra, Galicia, España2026

Page updated

Google Sites

Report abuse