LUDOCONCILIA

En Ludoconcilia Femupo mantemos o noso compromiso constante coa prevención e a educación dende a base, incluíndo non so aos nenos e nenas que desfrutan do campamento de verán senón a todas as familias e demais persoas que nos acompañades. Por iso creamos diferentes recursos e materiais didácticos de elaboración propia en formato dixital, porque a corresponsabilidade tamén precisa de coñecementos e planificación. Estas ferramentas están á túa disposición de xeito totalmente gratuíto para servir de apoio no camiño cara unha vida onde as responsabilidades se repartan de xeito equitativo.

Podes descargar os materiais na versión de uso dixital ou en calidade de impresión de forma totalmene gratuíta para colocalos na túa aula, asociación, na casa ou en calquera espazo no que seguir fomentando a corresponsabilidade de forma conxunta. Utilizar os nosos contidos non ten ningún custo, pero non esquezas manter os logos e mencionar a @femupo e @corresponsables_femupo na túa publicación para visibilizar o traballo e dar recoñecemento a unha labor aínda relegada a un segundo plano.

Unha das liñas de traballo do Ludoconcilia Femupo consiste nun programa de formación e sensibilización en materia de corresponsabilidade, coidados e usos do tempo, dirixido prioritariamente a homes pertencentes ás Forzas Armadas e ás Forzas e Corpos de Seguridade do Estado, colectivos cunha elevada capacidade de influencia social. 

Dende a federación levámolo á realidade a través dunha aula virtual onde permanecen os contidos do curso durante o tempo de realización así como a proba final, asegurando flexibilidade e accesibilidade. O temario combina aprendizaxe teórica e práctica xunto con recursos e exemplos cotiás adaptados á realidade de cada agrupación. Ademais das 8 horas de formación a distancia, achegámonos ao espazo físico das entidades participantes para dar unha sesión presencial de 2 horas na que se abre un espazo para a reflexión e o debate conxunto.